Lærakeppir, síðuspik og feitir öklar

Jæjajæja
Þetta gengur ekki lengur. Nú verður maður bara að fara að taka sig á. Það gengur bara ekki að vera lengur í svona hrikalega lélegu formi. Alveg ótrúlega leiðinlegt og sérstaklega þegar veðrið er eins og það er núna. Nú langar mann bara til að spranga um í bikiníi enda hitinn um 30 gráður og sólin búin að sýna sig í allan dag.

Ægir er byrjaður í ræktinni aftur, þannig að nú er bara að drullast af stað líka. (veit ég er búin að segja þetta einu sinni eða tvisvar áður) En....nú bara SKAL ÉG :)
Barnapössunin í ræktinni er lokuð á morgun, en það verður opið á föstudaginn. Stefni á að mæta þá galvösk.

Það verður kannski ekki nóg að byrja í ræktinni. Mataræðið verður tekið í gegn líka. Ekkert sukk og svínarí, nema bara í algjöru hófi :)

Matseðill næstu daga hljóðar svo

miðvikud : gufusoðinn fiskur með fersku salati og alfaalfa spírum og kartöflum

fimmtud : Hakk og spagetti

föstud : grillaður lax, ferskt salat og sýrður rjómi

laugard : salat með bbq kjúklingabitum

sunnud : grillað naut, kartöflur og salat

mánud : fiskur í ofni með skyrsósu, kartöflur og salat

þriðjud : spagetti með túnfiski, eggjum og grænmeti

nammi namm..
Hlakka þvílíkt til að háma þetta í mig, enda allt alveg svakalega gott og flest alveg rosalega hollt.