Skemmtilegur dagur.

Alltaf sami hitinn hér hjá okkur. Frekar erfitt að vera mikið á ferli í þessum hita, maður mókir bara og vill helst dorma. Fórum að sofa fyrir miðnætti í gær en vöknuðum ekki fyrr en klukkan hálf tíu í morgun :) held bara að þetta sé nýtt með hjá henni. Man bara ekki eftir því að hún hafi sofið svona lengi. Það hefur a.m.k ekki komið oft fyrir. Við sem ætluðum að taka daginn snemma svona einu sinni.
Rifum í okkur morgunmat og keyrðum svo í einn og hálfan tíma í apagarð sem heitir Apenheul. Ég var búin að smyrja nesti til að hafa í dag en það var nú bara étið strax við innganginn þar sem sumir voru orðnir svangir strax :)
Það var alveg rosalega gaman að vera í þessum garði. Apagarðurinn er rosa stór en hann er staðsettur inn í öðrum garði (hálfgerðum lystigarði) sem er ennþá ennþá stærri. Við náðum því miður ekkert að skoða okkur um þar þar sem við vorum ekki mætt á svæðið fyrr en um hádegi. Við innganginn fengum við sérstakar töskur sem við þurftum að geyma allt dótið okkar í (sem við vildum hafa með inn í garðinn) Þessar töskur eru þannig að aparnir geta ekki opnað þær :) Svo má maður ekki vera með mat eða drykki á mörgum stöðum þarna inni þar sem margar apategundirnar ganga bara um lausar. Frekar skemmtilegt að sjá þá svona nálægt sér. Ég var nú reyndar búin að vonast til þess að geta bara fengið að halda á og knúsa apana en það er víst ekki þannig. Maður má sem sagt ekki reyna að ná öpunum eða klappa þeim. Malín náði nú samt að strjúka einum litlum apastubbi þarna. Fannst þeir algjört æði. Tókum rosa mikið upp á vídeóvélina. Veit að sumir eiga eftir að hafa mikið gaman af því að horfa á apaspól