Þetta er lífið.

Sól og blíða alla daga. Svona á lífið að vera :)
Ég fór og hitti sjúkraþjálfarann í fyrsta sinn í dag og gékk það vel. Við erum svo vel tryggð þannig að ég get bara farið eins oft og ég vil án þess að borga krónu :)
Við Malín hjóluðum svo niður í bæ og spókuðum okkur á markaðnum. Þar er nú allt hægt að finna. Keypti mér 2 svona plastdúka á borð en þá hef ég ekki fundið í búðum hér. Keypti einnig fullt af æðislega flottum ávöxtum og sjávarfangi sem ég ætla að nota í salat annaðkvöld. Malín varð svo hálf fúl með það að þurfa að fara heim aftur enda svaka stuð í bænum og allt fullt af fólki.
Nú er Malín að fá sér blund og ég ætti því að drattast í það að taka til, ryksuga og skúra þar sem það er allt í skít hér hjá okkur en mér er drullusama. Ætla frekar að leggjast út á bekk með bók.
Njótið dagsins. Það ætla ég sko að gera.