Það er nú margt sem ég skil ekki.

En það er samt eitt sem ég skil bara alls ekki og það eru múslimakonur. Það er alveg sama hversu heitt er úti alltaf eru þær kappklæddar. Þær eru ekki bara í einum kufli eða hvað þetta nú heitir heldur eru þær í einni spjörinni yfir hver aðra sem ég sé bara engan tilgang með. Svo eru þessar konur rennsveittar og eru í því ótt og títt að þerra ennið en það er nánast það eina sem sést á þeim.
Það voru tvær svona konur að æfa í ræktinni í gær. Ég hef nú bara aldrei séð annað eins. Þær puðuðu svoleiðis rosalega á cross-trainerunum. Ótrúlegt ef þær hafa komist slysalaust frá þessu. Ég sé mig a.m.k ekki fyrir mér á hlaupabretti eða öðrum tækjum í svona dressi. Ég yrði fljót að fljúga á hausinn eða hvað það nú verra. En ég er nú kannski frekar slæm. Ég má nú ekki einu sinni líta til hliðar á meðan ég er á brettinu þvi þá fæ ég svo mikinn svima.