Brátt verður lagt í hann.

Veðrið hér undanfarið hefur nú bara ekki verið eðlilega gott eins og þið hafið kannski aðeins fengið að heyra um :)
Í gær fengum við samt aðeins kaldari dag eða um 22 gráður sem var nú bara fínt. Hitinn inni hjá okkur hékk samt í 27 gráðum sem er dálítið mikið. Ég dreif mig nú samt í sokka og síðbuxur í fyrsta sinn í fleiri fleiri daga seinnipartinn og var það ekkert smá notalegt :)
Vifturnar sem við keyptum okkur um daginn hafa sko aldeilis borgað sig því við sofum þvílíkt vel allar nætur. Þrátt fyrir að það sé hrikalega heitt inni hjá okkur (en það er mun heitara uppi heldur en niðri) að þá er bara svo munur að fá svona aðeins blástur á sig.

Annars er það að frétta að Malín Marta var með rétt tæplega 40 stiga hita í gær. Var samt hin hressasta eins og hún er alltaf greyjið þó hún sé lasin. Sat mikið upp í sófa, horfði á stubbana og fleira skemmtilegt og borðaði mikið af ís en hún hafði nú ekki mikinn áhuga á að borða mat.
Ég er ekki búin að mæla hana núna en ég held nú að hitinn sé nú ekki mikill. Vonandi að þetta sé bara búið. Það er nú yfirleitt þannig að hún fær háan hita í sólarhring og svo er bara allt búið. Svo er svo dæmalaust með hana hversu hress hún er þrátt fyrir svona mikinn hita. Hún hættir ekkert að dansa, syngja og hlaupa um allt þessi dúlla. Ég veit að ég væri ansi mikið sloj, enda þarf ég ekki nema 38 stiga hita til þessa að verða algjör auli.

Okkur er farið að hlakka þvílíkt mikið til. Ætlum nefnilega að skella okkur til Frakklands snemma á mánudaginn :) gaman gaman. Bókuðum okkur á einhverju litlu sveitahóteli rétt fyrir utan París og rétt hjá Euro Disney garðinum en þar ætlum við að vera á þriðjudeginum. Ef það verður svaka stuð þar ætlum við einnig að nota miðvikudaginn í garðinum en við sjáum bara til. Ætlum líka að skoða okkur um í París sem verður örugglega frekar mikið gaman. Komum svo heim á föstudagskvöldinu en þá eigum við von á gestum.
Jæja best að vinda sér í það að pakka niður. Skemmtilegt :)