Hiti og sviti

Síðustu dagar hafa verið hreint frábærir :)
Ægir byrjaði í sumarfríi um síðustu helgi og höfum við ekki getað óskað okkur betra veðurs. Hitinn hefur verið um 30 -34 gráður og sólin hefur skinið skært allan tímann (fyrir utan svona 15 mín í gærmorgunn en þá fengum við þessa fínu dembu :)
Það hefur ekki verið leiðinlegt hjá Malín enda erum við alltaf að gera eitthvað skemmtilegt alla daga. Höfum mikið farið á ströndina, í dýragarðinn, hjóltúra, gefið bra bra og margt fleira. Þegar við erum heima höldum við til í garðinu, sú stutta buslar í sundlauginni sinni og við Ægir lesum eða kíkjum í tölvuna :) Þetta er sko ljúft líf verð ég að segja.
Við keyptum okkur 2 viftur til að hafa hérna inni hjá okkur. Ekki veitti af því hitinn er svo hrikalegur á nóttunni og rakinn aðeins of mikill. Þær bjarga manni nú alveg og sofum við þvílíkt vel í blæstrinum. Maður fær svona nettan sólarlandafíling þegar maður fer að sofa :)

Í dag ætlum við að kíkja til Breda í ólettu-barnabúð og tékka á svona snúningslaki og bumbubelti handa mér. Mig er alveg farið að vanta svoleiðis dótarí. Það er orðið frekar erfitt að snúa sér á nóttunni út af verkjum, en ég er samt með besta móti þessa dagana. Það mætti halda að hitinn gerði eitthvað gott fyrir mig þar sem ég er nánast verkjalaus í grindinni :) eða svona þá daga sem ég haga mér skikkanlega. Fann nú svolítið mikið til í gær enda var ég í marga klukkutíma að laga til og þrífa sem ég á bara ekki að gera en....
það var bara allt orðið svo hrikalega skítugt hérna hjá okkur og allt í drasli, enda hefur ekki verið tekinn fram skrúbbur eða ryksuga þessa hrikalega góðu blíðviðrisdaga.
Sjúkraþjálfarinn minn benti mér svo á það að prófa svona bumbubelti, það gæti stutt við lífbeinið og verkirnir þar kannski orðið minni. Sjáum til. Allt í lagi að prófa þetta. En í sambandi við snúningslakið að þá kannast enginn við það hér þannig að það er spurning hvort ég þurfi ekki bara að fá það sent frá Íslandi.
Segi þetta nóg í bili.
dú dú.