Skemmtilegasti tími ársins.

Jæja.
Þá er skemmtilegasti tími ársins að byrja að mínu mati en það er tími Eurovision :)
Keppnin síðasta laugardag heima á fróni lofaði samt ekki góðu verð ég að segja. Frekar mikið leiðinleg lög þar á ferð og sumir flytjendurnir hefðu betur átt að vera bara heima hjá sér og bora í nefið.
Ég nenni ekki að fara út í það að dæma hvert einasta lag núna enda allt of mikið að gera hjá mér.
Ég gaf mér þó tíma áðan til þess að hlusta á þau lög sem keppa n.k laugardag og eru þau mun betri en þau fyrstu. Flottast finnst mér lagið Segðu mér sem Trausti Bjarnason samdi, flytjandi er Jónsi. Þarna er líka eitt lag sem Eiríkur Hauks syngur sem mér finnst bara frekar flott og eins er lagið sem Friðrik Ómar syngur fínt. Það verður gaman næsta laugardag.

Svo bíður maður bara spenntur eftir að Sænska, Danska, Norska, Breska, Þýska og Belgíska keppnin fari af stað :) Ég er því miður orðin of sein fyrir Holland. Missti nú bara alveg af þeirri keppni...grát grát. En það er nú bara svona þegar maður kveikir varla á sjónvarpinu í heilan mánuð.