Dandala fín helgi að baki.

Ég var í fríi í nokkra tíma á föstudaginn sem var bara æði. Ægir var svo næs að koma heim klukkan tvö á föstudaginn svo að ég gæti skroppið í búðarráp og í heimsókn. Ég var tæpa 5 tíma í burtu og held ég svei mér þá að það sé nýtt met síðan Emma fæddist.

Ég byrjaði á því að keyra til Moergestel sem er 10 mín í burtu. Sótti vinkonu mína hana Thatsanee og brunuðum við aftur hingað heim í Oisterwijk í smá búðarráp. Versluðum felleg barnaföt og drifum okkur svo að heimsækja stelpu sem heitir Edna en hún á heima á stóru sveitabýli sem er aðeins lengra en Moergestel. Edna var að eignast sitt annað barn fyrir u.þ.b mánuði.
Rúnturinn frá Oisterwijk til Ednu átti að vera um 20 mín. en endaði á að vera næstum því klukkutími. Við vorum með bæinn sem húsið hennar tilheyrir inn í tölvunni á bílnum en tölvan vissi ekkki hvar gatan var. Ægir reddaði okkur svo þar sem hann var heima með kort af bænum í tölvunni og sagði svo bara hægri hér og svo vinstri og svo framveigis :).
Það var voða gaman að heimsækja hana, skoða litlu snúlluna og tala Holllensku. Það gékk bara vonum framar verð ég að segja. Hún talar nefnilega enga ensku og því ekki hægt að redda sér þannig.
Heimferðin gékk mun betur, ekkert mál :)

Laugardagurinn byrjaði á því að við Malín fórum saman í tónlistarskólann. Yfirleitt er það þannig að hún fer ein, en þar sem við misstum af fyrsta tímanum um daginn að þá bauð kennarinn mér að koma núna og fylgjast með.

Nágranakonan mín ein sem er hárgreiðslukona kom svo til mín í hádeginu og litaði mig og snyrti. Við ákváðum að prófa að blanda saman svörtum og dökk brúnum i þetta sinn til að ath hvort liturinn endist eitthvað lengur í mér. Undanfarið hafði hún sett dökk súkkulaðibrúnan lit en hann hefur skolast mjög auðveldlega úr, eða breyst réttara sagt. Hárið á mér er bara alveg vonlaust. Það verður alltaf svona appelsínu, gul grænt...jakk.
Ef þetta fer á sama veg í þetta sinn að þá er bara eitt til ráða, og það er að gerast blondina á nýjan leik.

Seinnipartinn tók ég eina rispu í tiltekt. Tók risið mitt í gegn en það veitti sko ekki af því. Það hefur ekki verið þrifið síðan síðustu gestir fóru :)
Þvílíiki munurinn. Það er bara allt annað líf að ganga um þvottinn okkar og nóg af plassi til að hengja upp.

Í gær var önnur rispa tekin, en þá fór ég í að græja garðhúsgögnin fyrir veturinn. Bar 3 umferðir á borðið og bekkinn okkar en bara eina á stólana. Þeir eru komnir inn í skúrinn okkar en Ægir tók þvílíkt flott til þar.
Bekkurinn og borðið verða að vera úti í vetur. Spurning um að redda sér einhverri ábreiðu svo þetta fari ekki eins illa.

Við skruppum líka til Boxtel í gær, en það er borg sem er í 20 mín. fjarlægð. Þar voru búðir opnar í gær (en yfirleitt er allt lokað á sunnudögum) og drifum við okkur í Bart Smit sem er dótabúð. Þar versluðum við m.a afmælisgjafir handa Emmu og slatta af jólagjöfum. Ji minn eini hvað það er notalegt að vera búin að redda nokkrum svoleiðis :)

Eftir Boxtel drifum við okkur á svo kallaða trampólínstað, en það er nánast orðinn fastur liður um hverja helgi. Það er eini veitingastaðurinn sem Emma er sátt á. Þar getur hún líka labbað um allt og dundað sér í sandi og drullu á meðan við étum og njótum sólarinnar eins og við gerðum í gær. Veðrið var rosalega gott alla helgina. Um 17-20 stig og sól að mestu.
Malín finnst líka fátt skemmtilegra en að vera á þessum stað. Þarna hittir hún yfirleitt rosa marga krakka og getur kíkt á fullt af dýrum líka. Gaman að því.