Ísland á laugardaginn :)

Músin tók þessa mynd af okkur mæðgum í gær.  Alltaf skal ég klæða okkur ALLT of vel.  Í gær voru um 16 eða 18 gráður og sólin skein skært.  Ég dreif mig samt í mína fjalla lopapeysu og var nær dauða en lífi á röltinu.  Það var mikið stuð og margir á röltinu sem við könnumst við og því kunni ég ekki við að fara úr henni og vera á bolnum einum saman.  Hann var nefnilega svo hrikalega skítugur.  Það voru sko ekki ein eða tvær bananaklessur á honum heldur svona 2/3 af banana.  Jæks.

En...
Við erum sem sé að fara til Íslands á laguardaginn og stoppum í 2 vikur.  Ægir verður að vinna en við mæðgur bara eitthvað að spóka okkur.
Bókuðum ferðina í gær og ég búin að pakka takk fyrir.  Ekki lengi að redda þessu enda er þetta eitt af því skemmtilegasta sem ég geri :) hi hi.
Ekki skemmdi það heldur fyrir að vera með fínu nýju ofur skjær bleiku töskurnar sem við keyptum um daginn.  Við verðum ekki lengi að koma auga á þær þegar þær koma trallandi á færibandinu :) 
Spurning um að smella svona eins og einni mynd hér inn af herlegheitunum.