Dandala fín helgi að baki.

Þessi helgi var rosa fín. Vorum með matarboð á föstudagskvöldið. Gauti, Annemieke, Nói, Ýr Aimée og Bjarni komu í Mexico súpu og súkkulaðifrauð :) svaka gott.
Fórum svo ásamt Bjarna til Den Bosch á laugardagsmorgun. Það er alltaf risa stór og flottur markaður þar á laugardögum. Versluðum okkur grænmeti, ávexti, lax og fleira.
Þegar Malín var búin að sofa úti eftir hádegið, skruppum við öll saman niður í bæ á hjólunum okkar. Gummi lánaði Bjarna sitt hjól :)
Hjóluðum aðeins um og gáfum svo öndunum brauð og síðan var haldið á ítalskan veitingastað sem heitir Ballaro. Þar fengum við okkur öll forrétti, Bjarni fékk sér svo pasta og við Ægir og Malín Pizzu. Alveg svaka gott.
Hjóluðum svo heim í rosa flottu veðri og horfðum á sjónvarpið fram eftir kvöldi.
Bjarni ákvað svo bara að gista hjá okkur síðustu nóttina sína í Hollandi, í bili a.m.k.
Ægir skutlaði honum svo á lestarstöðina í Den Bosch í gærmorgun. Við Ægir og Malín fórum svo í ræktina þar á eftir.
Veðrið var alveg æðislegt alla helgina.
Við fórum í langan hjóltúr seinni partinn í gær. Hjóluðum út um allan bæ og út í skó og gáfum kindum brauð :)
Það er alveg ótrúlegt hvað það er fallegt hérna í bænum okkar. Ég tók slatta af myndum, kannski ég setji nokkrar hingað inn síðar í dag.