Það er sóóóól og blíða.

Það er ótrúlegt veðrið sem við erum búin að fá hérna síðan við komum frá Íslandi.
25-30 stiga hiti alla daga og sól.
Nú eru 17 dagar síðan við komum heim og ég ekki ennþá alveg búin að ganga frá öllu draslinu okkar (roðn)
Töskurnar standa ennþá á miðju gólfi í aukaherberginu og rúmmið er BARA fullt af fötum og drasli. Tengdamamma er hérna hjá okkur ennþá og hefur hún nánast alveg séð um þvottinn okkar. Nú er svo komið að hún hefur ekki meira pláss til að setja fína þvottinn okkar á þar sem ég geng aldrei frá neinu. Ég hugsa bara alltaf..æjj..það hlýtur að koma rigning á morgun eða aðeins verra veður þannig að ég verð þá bara inni að laga til, en nei nei. Veðrið er bara alltaf súpergott og engin leið til að hanga inni, hvorki til að laga til né þrífa.

Spáin fram á sunnudag hljómar eins þannig að það verður ekkert farið í þetta á næstunni sýnist mér. Annars er mér farið að finnast eins og það taki því bara alls ekki að brasa í þessu. Við erum jú að koma aftur til Íslands eftir rétt rúma viku. JIBBÍÍ.
Eigum flug heim föstudaginn 4 maí og verðum í 2 vikur.
Það er maífrí hérna úti hjá okkur sem stendur í 2 vikur. Þá er frí í öllum skólum og leikskólum og því tilvalið að koma heim í kuldann :)

Ég held að ég eigi eftir að njóta mín í botn heima. Voandi losna ég við bjévítans ofnæmið. Annars er ég mun skárri í dag heldur en ég hef verið. Ég var búin að fá leiðindar nefsprey hjá lækninum sem virkar ekkert of vel, en svo fór ég í búð og keypti mér svona hómopata augndropa sem eiga að laga kláðann. Ég er er ekki frá því að það bara flugvirki. Reyndar er ég að nota ofruskammt, en það verður bara að hafa það.
Fór með liðinu úr skólanum mínum inn í skóg í dag í smá ferð og var úti í garði í allan dag og ég grenjaði bara ekkert svo mikið :)
Þetta er samt ekkert smá mikið pirr pirr... ömurlegt að klæja svona voðalega í eyrum, augum, nefi og hálsi.

Ég kannski skelli inn nokkrum myndum á eftir ef ég verð í stuði.