Ljómandi góður matur.

Hér eru nokkrar hollar og góðar uppskriftir fyrir þá sem hafa áhuga.
Þetta eru réttir sem við höfum verið að smjatta á undanfarið :)

Bakaður fiskur
750 g fiskur (magur fiskur)
1-2 b tómatsafi
1/2 b sneiddir sveppir
1 tsk sítrónusafi
1 lítill laukur, saxaður
slatti af hvítlauk
þurkuð basilika
magur ostur
salt og pipar til bragðauka

1. Setjið allt hráefnið, nema fiskinn og ostinn í pott og hitið að suðu. Lækkið hitann og látið sjóða í 5 mínútur.
2. Þurrkið af fiskinum, setjið í grunnt eldfast mót og hellið sósunni yfir.
Bakið við 200 C í 25 mínútur.
Bætið ostinum ofaná þegar svona 5 mín. eru eftir.


Þessi er æði :)

Gómsætar grillaðar laxasteikur
1/2 b sojasósa
1/2 b appelsínusafi
1/4 b tómatsósa
1/4 b fersk steinselja, söxuð
2 msk sítrónusafi
1/3 msk pipar
2 kramin hvítlauksrif (notaði örugglega 4 eða 5)
6 laxasteikur

1. Blandið saman sojasósu, appelsínusafa, tómatsósu, steinselju, sítrónusafa, pipar og hvítlauk.
2. Setjið laxinn út í kryddlöginn og látið liggja í kryddleginum í a.m.k. 2 klst.
Veiðið fiskinn upp úr leginum og geymið löginn.
3. Grillið fiskinn á útigrilli í 6 mínútur á hvorri hlið eða þar til fiskurinn flagnar undan gaffli. Burstið öðru hvoru með kryddleginum.


Steiktar risarækjur (jommí)

Risarækjur
Sítrónusafi
olífu olía
hvítlaukur
kryddjurtir að eigin vali.

Allt sett í skál.
Þræðið rækjurnar upp á teina og steikið, eða grillið.

Borið fram með góðu salati.

-Lambapottréttur frá Maraco (fyrir 3-4)
1 kg lambakjöt (beinlaust)
1 laukur (skorinn)
6 hvítlauksrif (marin)
1 stór rauður chilli (hreinsaður og skorinn í strimla)
5 cm engiferrót (rifin)
2 tsk. kanill
2 tsk. paprikukrydd
600 ml gærnmetissoð
1 1/2 teskeið hunang
safi úr 1 sítrónu
375 gr okra (grænmeti frá afríku sem fæst niðursoðið heima eða í heilsubúðum er mér sagt :)
Við notuðum kúrbít og var það bara ljómandi gott. Passaði mjög vel í þennan rétt.
75 gr möndlur
salt og pipar eftir smekk.

Kjöt, laukur, hvítlaukur, chilli, engifer, kanill, paprikukrydd, soð, hunang, og sítrónu safi sett í stóran pott og hitað að suðu.
Lokið pottinum og látið malla í1,5 klst. Hrærið í þessu öðru hvoru.

Bætið okra og möndlum saman við og látið malla í 15-20 mín. í viðbót.
Þessi réttur er pínu spes, en algjört æði.