Stærri froskurinn minn var með mikinn brandara í gær. Ég átti virkilega bágt með mig á meðan á þessu stóð enda hrikalega fyndið. Eftir að hún var búin að háma í sig 2 perur að þá fór hún eitthvað að dunda sér með smá flus sem eftir var. Eftir svolitla stund spyr ég hana hvar flusið sé og þá brosir hún sínu breiðasta og bendir á nefið á sér. Ég er nú varla að trúa henni en kíki samt þarna upp og sé ég þá stærðar flus þarna uppi. Ég stressast öll upp og segi við hana að hún megi alls ekki sjúga upp í nefið og að sjálfsögðu er það það fyrsta sem hún gerir. Flusið fer því ennþá lengra upp í nefið og flest þar út þannig að önnur nösin er alveg blokkeruð. Ég læt hana leggjast niður og næ í augnabrúnaplokkarann minn sem nær draslinu út aftur.
En úff púff...þvílíkur froskaskapur í sumum :)