Stiklað á stóru.

Mætt aftur. Aðal tölvan okkar búin að vera biluð allt of lengi. Erum búin að vera að bíða eftir varahlut í hana sem kemur voandi innan fárra daga.

Íslandsferðin var fín að vanda og páskarnir skemmtilegir.
Borðaði allt of mikið og þyngdist helling. Komin með mjög svo prirrandi handföng og risa bumbu sem þvælist ógurlega fyrir mér. Nú verður sko tekið á því takk fyrir. Ég nenni ekki að vera svona mikið slappelsi í rauða fína bikiníinu mínu í sumar. Síðasta átak fór fyrir bí þar sem flensur herjuðu pásulaust á okkur í fleiri vikur. Nú verður bara nýtt átak sett í gang.

Hittum fjölskuldur og vini (þó ekki nánda nærri alla frekar en fyrri skipti:( ) En svona er þetta bara. Ég geri t.d alltaf sömu mistökin aftur og aftur. Geri ekki neitt fyrstu vikuna nema hanga hjá mömmu og tengdó og gúffa í mig heil ósköp. Ekki að það sé leiðinlegt að vera hjá þeim, aldeilis ekki. Það er bara pínu flókið að koma á fullt af heimsóknum á dögunum sem eftir eru.

Fleiri fleiri klukkutímar fóru í það að taka til í geymslunni okkar. Ég fór yfir hudrað kassa, sorteraði, sameinaði drasl og dót, fór með marga poka á hjálpræðisherinn og fullt af drasli á nytjamarkaðinn. Enn meira fór svo bara upp á hauga.

Stelpurnar mínar fíluðu sig í botn heima á Íslandi. Ekki slæmt að dúllast með ömmum og afa. Snjórinn skemmdi nú ekki fyrir. Þeim fannst algjört æði að fara út í garð hjá tengdó og leika sér í snjónum og skreppa smá á þotu. Við hjónin skelltum okkur meira að segja á skíði :) sem var freka mikið gaman. Ég var duglega að fara á skíði hérna í gamladaga en hef ekki farið síðan ég var svona 14 eða 15 ára. Ægir minn hefur hins vegar bara farið einu sinni áður..hihi..frekar fyndið. Hann stóð sig alveg ótrúlega vel. Mjög efnilegur skíðagarpur. Hann var ekki alveg viss með hvernig hann ætti að stoppa í fyrstu og lét sig því bara detta mjúklega á aðra hliðina ef honum fannst hann vera kominn á of mikla siglingu. Ég var pínu stirðbussaleg í fyrstu ferðinni en svo kom þetta allt saman. Þetta er bara eins og að hjóla. Maður gleymir þessu ekkert. Þetta var í fyrsta sinn sem ég hef farið í Hlíðarfjall og í fyrsta sinn sem ég fer í stólalyftu. Við vorum frekar nörraleg þegar við fórum í hana. Ægir byrjaði á því að detta næstum því um leið og við fórum inn á bandið þar sem maður bíður þangað til stóllinn kemur upp að manni. Síðan flækti hann skíðastafina sína mjög svo skemmtilega í stólnum og að lokum datt hann á leiðinni út úr stólnum um leið og við stigum út úr honum. Ótrúlega mikið gaman. Ég hló að sjálfsögðu svo mikið að ég gat me engu móti hjálpað honum. Gaman að þessu :).
Eftir þessa skíðaferð okkar vorum við alveg sjúk í að fara aftur. Ég var með fast bros á mér í marga klukkutíma. En því miður gast ekki tími fyrir aðra ferð. Draumurinn er svo auðvitað að skreppa í álvöru skíðaferð, gista í fjallakofa eins og Ridges og hinir í Forrester fjölskyldunni eiga með arni og hvítri loðinni mottu :).

Svo eru það stóru fréttirnar fyrir ykkur sem ekki vitið.
Við erum að flytja heim í september og minns er er að fara í skóla (gamall draumur að rætast:). Fékk inngöngu í skóla sem heitir Snyrti-Akademían og byrja ég í byrjun nóvember. Þetta er eins árs nám og útskrifast ég (vonandi) í nóvember á næsta ári sem snyrtifræðingur. Eftir árið þarf ég svo að fara á samning á snyrtistofu í 10 mánuði. Spennandi allt saman.

Erum með íbúina okkar á sölu á Akureyri ef þið vitið um einhverja sem vilja kaupa sæta 3 herbergja íbúð á besta stað í bænum.
Svo vil ég endilega fá að frétta ef þið vitið um einhverja góða íbúð til leigu handa okkur í Hafnarfirði eða nágrenni frá miðjum september eða svo.

Það er ennþá í boði fyrir hresst og skemmtilegt fólk að koma í heimsókn áður en við flytjum :) :)