Vor í lofti.

Ástandið á heimilinu er loksins að komast í rétt horf. Þær systur eru báðar hættar að gubba en sú yngri ennþá með skitu. Ég hef samt sterkan grun um að eyrnabólgan hjá Emmu sé að blossa upp eina ferðina enn. :(
Ég skrapp hjólandi niður í bæ seinnipartinn á föstudaginn. Ótrúlega hressandi að skreppa svona ein út í smá stund. Keypti 2 nýjar naríur á bóndann í tilefni bóndadagsins. Keypti svo bæði peysu og kjól á mig :). Fannst það miklu betri hugmynd en að reyna að finna eitthvað á Ægi. Þegar ég kom heim eldaði ég fínt pasta handa okkur og bar fram nýbakað brauð.

Laugardagurinn var frekar rólegur. Malín fór í tónlistarskólann en annars voru þær systur aðalega að jafna sig eftir veikindin. Ég skrapp aftur í bæinn alein en á bílnum í þetta skiptið. Ætlaði aldrei að finna stæði í bænum. Bærinn var troðfullur af fólki. Alltaf svo gaman að koma í miðbæinn og sjá allt fólkið sem situr úti á kaffi og veitingastöðunum. Eldaði síðan æðilsega flottan kjuklingarétt sem er í nýju Hagkaupsbókinni. (ítalskir réttir)

Gærdagurinn var fínn. Keyrðum rúnt í gegn um dýragarðinn og fórum síðan á trampólínstaðinn okkar. Malín hoppaði heil ósköp. Fékk að vera með 3 eldri stelpum og fannst það ekki mjög leiðinlegt. Ég fékk mér uppáhalds súpuna mína sem er fastur liður.
Þessi súpa er bara snilld. Tær kjúklingasúpa með fullt af rifnum kjúlla, chilli, gulrótum og lauk. Með henni er borið fram eitt soðið egg, steiktur laukur og sterk sósa. Verð að fara í það að prófa mig áfram í að búa hana til sjálf.
Ég eldaði jommí kvöldmat enn og aftur :) í þetta skiptið var það mjög einfalt og gott spaghettí (sem er einnig í nýju hagkaupsbókinni. Ótrúlega einfalt og alveg æði æði.

Ég tók eftir því áðan þegar ég labbaði rúnt um hverfið að hér er vorið bara komið. Það er töluvert langt síðan ég tók eftir túlípönum og páskaliljum en nú sá ég að rósin mín er öll að koma til og tréin hér í hverfinu eru sum byrjuð að blómstra með yndislega fallegum bleikum blómum :) Bara fallegt.